لوك جديد لمدونة rremogirl

 

النهارده حبيت اعرض عمل جديد ليا ^_^ ل(مدونة rremogirl )اتمنى تزوروها وتشتركو فيها ^_^

دى صورة المدونة الاساسية زى ما انتو شايفين الخلفيه شفافه والبنت لابسه جيب لونه بمبى خفيف مع بلوزة دانتيل رمادى خفيف مع طرحة رمادى برسومات بسيطه وكتابة مميزة ممم عليها زينه وفى انعكاس واضح للصوره كاملة ^_^ الايد معموله بأحترافيه كمان والوان هاديه وزى ما انتوا واخدين بالكم فى موازنة بين الكتابة صاخبه شوية وبين الملابس الهادئة الى لابساها البنت

----

بنر المالكة ^_^

اتمنى يكون عجبكم تصميم المدونه دى الرمضانى ^_^

تحياتى لكم :)

بدااية :) توضيح للمدونة

ازيكم فى الحر ده يا جماعه ^^ بصراحه الجو صعب خالص 

تقبل الله منا ومنكم ^^

حبيت بس اعمل توضيح للمدونه دى المدونه دى للتصاميم فقط يعنى مفيش اخبار جديده ولا مجانى ولا مسابقات مممم ممكن مسابقات بس عموما هى مش مدونه عاديه ولا تنافس المدونات الاخرى هى مدونه للتصاميم بس يعنى كل يوم تقريبا هنزل لكم بعض التصاميم من تصميمى والاسعار هنــا والنهارده هقدم لكم تصميم بنرى وتصميم الهيدر بتاع المدونه ^^ اتمنى يعجبكم

التصميم ده زى ما انتو شايفين الخلفيه شفافه فى ظل واضح والكتابه بسيطه وغير متكلفه دايما البساطه احلى ^^ وشكل الكاميرا بيدل على محتوى المدونه بتاعتنا والفستان معمول من المجلات .. والشعر الاحمر الكيرلى لايق مع كل الحجات دى :D ههههههههههه 

 

التصميم الثانى هو المفضل عندى وهو تصميم البنر انا هحطه من غير الاسم هنا عشان يبان كل التفاصيل لو فى حاجه منهم مش باينه ^^ فستان دانتيل رقيق ابيض قصير مع شعر اسود على شكل كحكه ههههههههه معرفش لها اسم تانى بصراحه ممم وشنطه وحزام لونهم زى بعض لون هادى مناسب للفستان البسيط ده وطبعا نسيت اتكلم ان فى من الفستان شيفون شفاف زى ما انتو شايفين كده ^^ البنت رفيعه بشكل يعقد :D  وطبعا ظلال الجسم معموله هنا بنسبة 10 \10 واتمنى يعجبكم التصميم ^^