لا يوجد لنا اى مدونات او اى احساب اخر سوى هذه المدونة
وحساب high_girl11
السلام عليكم ورحمة الله وبركاته
ازيكم يا حلوين ؟ يارب تكونو بخير
انا هنا حبيت اشرح لكم انتو ممكن تستفيدو بالتصاميم فى ايه بالظبط
1- اصحاب المدونات:
معظم الناس فاهمه ان التصاميم بس لاصحاب المدونات للوكات والبنرات وما الى ذلك بس من خلال الصفحه دى هتفهمو انها مش بس ليهم يعنى اكيد هم يقدرو يستفيدو منها فى البنرات واللوكات وحتى التصاميم الداخليه زى انك ممكن تحطى صورة لنفسك على جنب فى المدونه او تصميم مثلا لمسابقة هتعملوها او فى التبادل الاعلانى ..الخ وعلى فكره عشان الى بيعملو مدونات وبتفشل نص نجاح مدونتك معتمد على شكلها والنص التانى على مجهودك ^_^
2- تستخدم للدعايه فى مسس ستاردول ورلد:
طبعا مسس ستاردول ورلد فقربت واكيد فى بنات كتيره تستحق تشترك هنا بنوفر لك الفرصه يكون لك صورة حلوه للدعايه بدل ما تستخدمى الصوره بتاعت ستاردول الى الكل بيستخدمها خليكى انتى مميزة ومترضيش الا بالاحسن يعنى فى ملابس فى ستاردول اه بس برى ستاردول فى اكتر واحلى وهيبقى بس انتى الى لابسه الفستان ده :) او حتى ملابس سواء كاجول او بدل للاولاد يعنى الموضوع مش بس مقتصر على البنات ^^
3-تكون هديه منك لصحبتك:
يعنى ممكن لو عيد ميلاد صحبتك قرب او حتى عايزة تهاديها بهديه حلوه ممكن تهديها تصميم ليكو سوى ..؟ ايه رأيك هديه جديده ومش تقليديه ^^
4-تصميم ليكى انتى:
ممكن التصميم يكون ليكى انتى وليه لا؟ وممكن تنشريه عندك على الفيس وبدل ما تصورى صورة للدول بتاعتك بلبس ووقفة ستاردول خليكى انتى متميزة بتصميم خاص ليكى
5- خدمة المجلة:
كمان هنا بنوفر لك عمل مجله الكترونيه تقدرى تتصفحيها بنفسك مع تصاميم كتيره وحلوه لكل صفحة انتى كل الى عليكى تعمليه تعينى كاتبه لكل موضوع وكل كاتبه لم تخلص موضوعها بتاع صفحتها تبعتيه لى فى ملف وورد مثلا مع اسم الصفحه ونقدر نتكلم على تفاصيل الشغل عادى خالص وسيبى التصميم والتصفح الالكترونى عليا :)
----------------
الاسعار:
اللوك:البنر الاساسى ب300 دولارز وبنرات الكاتبات كل بنر ب50 دولارز
اوشهر سوبر
===
صور دعاية مسس ستاردول ورلد سواء ولد او بنت
100 دولارز
اواسبوعين سوبر
========
صورة هديه لصحبتك : وممكن تختارى لو تحبى تكونى انتى وصحبتك سوى فى الصوره ولا صحبتك بس
50 دولارز
========
صورة ليكى: 50 دولارز
=======
خدمة المجله :500 دولارز:شامله من الغلاف بالصفحات والظهر كمان والتصفح الالكترونى
-------------
طبعا انتى ممكن تتناقشى معايا فى كل حاجه سواء فى الاسعار او فى الشغل لو معجبكيش وعايزة تغيريه او عن الفكره الى عايزانى اصممها وبالنسبه للدفع فأنا باخد النص قبل ما تستلمى وبعد ما تستلمى باخد الباقى وبالنسبه للتغيير لو معجبكيش مفيش مشكله بس فى ضريبة صغيره 20 دولارز ..طبعا ده لان التصميم الى معجبكيش ده كده بخ يعنى هرميه واقل تصميم بياخد 3 ساعات
كيف نقدر نبعت الستاردلارز
ردحذف